"Zаmandaş gagauz dili. Mofologiya" disţiplinası "Gagauz dili hem literaturası hem romın dili hem literaturası” hem "Gagauz dili hem literaturası hem englez dili hem liteaturası” zanaatında Komrat Devlet Universitetindä millet kultura fakultetindä üürenän studentlerä. Programa hem üürenmäk planına görä düzüldü maasuz Kurikulum. Komrat Devlet Universitetindä gagauz dili hem literatura üüredicisi hazırlamak sistemindä profil disţiplinaların arasında zamandaş gagauz dili en önemni bir er tutêr, çünkü gagauz dilin statusu üüseler.
Kurikulum belli eder disţiplinada üüretmäk sistemin sırasını, neetlerini hem daavalarını, alarak hesaba studentlerin fundamental hazırlanmasını hem kendibaşına üürenmesini. Bir taraftan, Kurikulumda gösteriler studentlerin bütün üürenmäk vakıdında gagauz dilindä toplam teoretik bilgileri hem praktik becermekleri. Başka taraftan, belli ediler yıl-yıldan studentlerin üürenmäk-praktik işlem sistemi, ki onnar kendi annamaklarını genişletsinnär, bilgilerini bir temel gibi kaaviletsinnär. Bu kursta studentlär gagauz dilindä söz paylarını açıklayaceklar bu shemaya görä: söz payın morfema strukturası; söz payın gramatika kategoriyaları; söz payın diişilmesi; söz payın gramatika formaları; söz payın funkţiyası gagauz dilindä.
- Enseignant: İvanna Bankova