«Türk dillerinin yanaştırmalı gramatikası» disţiplinasının programası yapıldı maasuz Komrat Devlet Universitetini milli kultura fakultetinda magistraturada üürenan MPG-22 grupası için. Disţiplinanın temel daavası – studentlerin bilgilerini Türk dilleri için dillerin arasında olan farklar için oluşturmaa hem zenginnetmää. Türk Dünnesi büüktür. Onun için büün interkulturanın üürenilmesi aktualdır hem önemnidir. Globalizațiya proțesleri vererlär hak aramaa hem bulmaa halklar aradakı efektiv komunikativ yolları. Halklar kendi kulturasını koruyerlar, koruyup mili özelliini.
Sovetlar vakıdında gagauzlar pek bilmaazdi kendi soyunu, bilmazdi nekadar kalabalık bir Türk aylesi var. Yoktu bilgi, ani gagauzların buncak senseleri var. Şindi, açan sosial aalardan dünneya çıkış var, biz taa kolay bilgi alerız Türk halkları için, onnarlan dostluk ederiz. Biz birimizdan taa kolay bir şekilde bilgi alerız. Türk dünnesi için olan bilgileri vermedan şkolacılara, biz onnarda kendina sayagı, Türk halkları için gurur duygusunu aşılayamayacez. Şlolalarda uşakların milli ruhunu üüseltek için, kendini hem halkını taa islaa tanımak için mutlak üüredicilar Türk Dünnesinnan baalı bilgileri vermeli. Bu bilgilar bu distiplinada verilecek.
- Formator: Gullu Karanfil