«Gagauz dili hem kulturası» disţiplinanın programası düzülü maasuz Komrat Devlet Universitetindä ekonomika fakultetindä üürenän studentlerä deyni.
Bu kurikulum belli eder üüretmäk sistemasının sırasını, neetlerini hem daavaları, alarak esaba studentlerin fundamental hazırlanmasını hem kendibaşına üürenmesini.
Büünkü gündä gagauzların önündä durêr bir daava – bilmää kendi istoriyasını, kulturasını, peydalanmasını, ama en büük – bilmää ana dilini hem konuşmaa gagauzça.
Disţiplinanın temel daavası – zenginnetmää studentlerin bilgilerini istoriya, kultura hem adetleri tarafından; terbietmää sevgi, saygı Moldovaya, devletimizdä yaşayan halklara, ana dilinä, Bucak tarafına. Moldova çokmilletli devlettir. Burada yaşêêr moldovannar, gagauzlar, bulgarlar, ukrainnär, ruslar hem başka milletlär. Bu sebeptän interkultur üürenmesi aktualdır hem önemniydir. Globalizațiya proțesleri vererlär hak aaramaa hem bulmaa halklar aradakı efektiv komunikativ yolları. Çokmilletli kultura genişlener, zenginnener.
- Formator: Galina Mutaf